ارضِ پاک نیوز نیٹ ورک

Arz-e-Pakistan News Network

Language:

Search

Nishat-1 حادثے سے بال بال بچ گیا.    Newly posted SSPs in Punjab police visit PSCA, PPIC3.    "  لڑکیاں صرف ماں کی کوکھ یا پھر قبر میں محفوظ ہیں" طالبہ نے خودکشی کر لی.    "میں ناگن، تو سپیرا " پوسٹ سوشل میڈیا پر وائرل.    "منی ہائسٹ "(Money Heist )کاآخری حصہ پاکستان سمیت دنیا بھر میں آج ریلیز کیا جائے گا.    NA-133 کا ضمنی انتخاب.    NA-133 ضمنی انتخاب.    NCA میں "دی سندھو پراجیکٹ اینگما آف روٹس " کے عنوان سے فن پاروں کی نمائش.    KIPS-CSS کی جانب سے CSSمیں کامیاب امیدواروں کے اعزاز میں عشائیہ.    NCA میں ٹریڈیشنل آرٹ کورسز ورکشاپ کی اختتامی تقریب.    NA-75 الیکشن کمیشن کی رپورٹ پر ڈاکٹر فردوس عاشق اعوان کا ردعمل.    NA-133 ضمنی انتخاب : جمشید اقبال چیمہ کی اپیلوں پر الیکشن ٹربیونل کا فیصلہ جاری.   

عمرکے تعین کیلئے مناسب فورم سے رجوع کرنےکی ہدایت، سپریم کورٹ نے دعا زہرا کیس نمٹا دیا

ویب ڈیسک
23 Jun, 2022

23 جون ، 2022

ویب ڈیسک
23 Jun, 2022

23 جون ، 2022

عمرکے تعین کیلئے مناسب فورم سے رجوع کرنےکی ہدایت، سپریم کورٹ نے دعا زہرا کیس نمٹا دیا

post-title

 

کراچی:  (اے پی این این )  دعا زہرا کیس میں سپریم کورٹ نے عمر کے تعین کے لیے میڈیکل بورڈ کی تشکیل کے لیے مناسب فورم سے رجوع کرنے ہدایت کردی، والد نے دعا زہرا کو شیلٹر ہوم بھجوانے کی درخواست واپس لے لی جس پر عدالت نے کیس نمٹا دیا۔

سپریم کورٹ کراچی رجسٹری میں دعا زہرا کیس کی سماعت ہوئی،جسٹس سجاد علی شاہ کا کہنا تھا کہ آپ کی درخواست پر آج ہی کوئی فیصلہ جاری کریں گے۔

دوران سماعت عدالت نے استفسار کیا کہ کیا دعا زہرا کی والدین سے ملاقات کرائی گئی تھی؟  جس پر  والد مہدی کاظمی نے جواب دیا کہ 5 منٹ کے لیے پولیس کی موجودگی میں چیمبر میں ملاقات ہوئی۔

جسٹس سجاد علی شاہ نےکہا کہ میڈیکل ٹیسٹ عدالت کے حکم پر ہوا، اس کے لیے میڈیکل بورڈ بنا تھا۔

جسٹس منیب اختر نے کہا کہ سندھ ہائی کورٹ نے بازیابی کی درخواست نمٹا دی تھی، کیا کسی اور عدالت میں ابھی تک کیس زیر سماعت ہے؟ کیا آپ نے عدالت سے استدعا کی ہے کہ دعا کو بازیاب کرایا جائے۔

جسٹس محمد علی مظہر نے استفسار کیا کہ آپ نے میڈیکل ٹیسٹ کو چیلنج کیا ہے؟ وکیل درخواست گزارکا کہنا تھا کہ ہم نے سیکرٹری صحت کو اس سے متعلق خط لکھا ہے،  پولیس نے اغواء کا کیس سی کلاس کردیا ہے۔

جسٹس منیب اختر نے ریمارکس دیےکہ آپ جذباتی نہ ہوں قانونی نکات پر عدالت کی معاونت کریں۔

جسٹس محمد علی مظہر نےکہا کہ  فیملی کورٹ میں شادی کو چیلنج کیا جاتا ہے،لڑکی نے ہائی کورٹ اور مجسٹریٹ کے سامنے بیان دیا ہے۔

عدالت نے میڈیکل بورڈ کے لیے متعلقہ فورم سے رجوع کرنے کی ہدایت کرتے ہوئےکہا کہ کیس ہمارے دائرہ کار میں نہیں، میڈیکل بورڈ کی تشکیل کے لیے مناسب فورم سے رجوع کرسکتے ہیں۔

دعا زہرا کے والد مہدی کاظمی نے بیٹی کو شیلٹر ہوم  بھجوانے کی درخواست واپس لے لی جس پر سپریم کورٹ نےکیس نمٹا دیا۔

سپریم کورٹ کے باہر مہدی کاظمی کے وکیل جبران ناصر نے میڈیا سےگفتگو میں کہا کہ عدالت نےکہا ہےکہ عمرکے تعین کی رپورٹ کو چیلنج کرسکتے ہیں، عمر کے تعین کے حوالے سے میڈیکل بورڈ کی درخواست دیں گے۔

 جبران ناصر کا کہنا تھا کہ سیکرٹری صحت درخواست منظور نہیں کرتے تو سندھ ہائی کورٹ جائیں گے، ہمیں امید ہےکہ میڈیکل بورڈ کا فیصلہ ہمارے حق میں آئےگا۔

خیال رہےکہ 8 جون کو سندھ ہائی کورٹ نے دعا زہرا کیس کا تحریری حکم نامہ جاری کرتے ہوئے دعا کو اپنی مرضی سے فیصلہ کرنےکی اجازت دی تھی۔

تین صفحات پر مشتمل تحریری حکم نامے میں کہا گیا کہ بیان حلفی کی روشنی میں عدالت اس نتیجے پر پہنچی ہےکہ دعا زہرا اپنی مرضی سے جس کے ساتھ جاناچاہے یارہنا چاہے، رہ سکتی ہے۔

 دعا زہرا کے والد نے سندھ ہائی کورٹ کے فیصلے کے خلاف سپریم کورٹ میں اپیل دائر کی تھی۔

مہدی کاظمی کا کہنا  تھا کہ سندھ ہائی کورٹ کے فیصلے میں خامی ہے، درخواست پر فوری سماعت کی جائے۔

 


APNN نیوز، APNN گروپ یا اس کی ادارتی پالیسی کا اس تحریر کے مندرجات سے متفق ہونا ضروری نہیں ہے۔

APNN News, the APNN Group or its editorial policy does not necessarily agree with the contents of this article.


عوامی بحث (0) تبصرے دیکھنے کے لئے کلک کریں Public discussion (0) Click to view comments
28 / 5 / 2021
Monday
1 : 23 : 31 PM